Ի՞նչ է առաջնորդական ակադեմիան և

Ի՞նչ է պետք մտապահել

«Մարզերի երեխաները մարզերում» ՀԿ-ի «MEM Առաջնորդական ակադեմիա»-ն նախատեսված է ՄԵՄ համայնքի երեխաների ու երիտասարդների, ինչպես նաև ՄԵՄ-ից դուրս այն թեկնածուների համար, ովքեր ցանկանում են զարգացնել առաջնորդական հմտությունները և պատրաստ են պատասխանատվություն կրել համայնքների և մարզերի զարգացման համար։ «MEM Առաջնորդական ակադեմիա»-ն բաղկացած է 4 փուլից, տևողությունը՝ 16-18 ամիս, ֆորմատը հիբրիդային է ՝ առցանց և անցանց (դեմ առ դեմ) հանդիպումների միջոցով։ ՄԵՄ ակադեմիան նպատակ ունի ձևավորել մարզային առաջնորդների նոր սերունդ՝ թվային ու մեդիագրագետ, 21-րդ դարի հմտություններով, արտակարգ իրավիճակների պատրաստ, իրազեկ ու ամուր արժեհամակարգով։ Նախագիծը իրականանում է ոչ ֆորմալ կրթության ձևաչափով՝ ներգրավելով ոլորտի լավագույն դասընթացավարներին, խթանելով ինքնաճանաչողությանը և ինքնակրթությանը։ Այն արձագանք է կրթական բացերին և 21-րդ դարի հմտությունների հրատապ պահանջին՝ նպաստելով համագործակցային մշակույթի ձևավորմանն ու համաչափ զարգացմանը Հայաստանում։